اقتباسات بولا شفيق

يا اللي أنتي قريبة وكل العالم صاير أبعد ‏

‫‏عامي سخيف وكئيب وحزين‏

عامك أسعد

حاجة تجن‏

‫‏عامك عدى ‏

‫‏وكبرتي مقام وصغرتي السن‏

‫‏ولازلتي عن العين محجوبة ‏

‫‏ولازلت بحن‏

عارفة‏

‫‏أنا عمري ما عيطت في بعدك قدام الناس ‏

‫‏علشان جوايا خلقتي أراضي ‏

‫‏أقدس بكتير أنها تنداس‏

‫‏بخلع نعلى وبدخل حزني بعيد عن عين كل المخاليق‏

‫‏واخلع توب الضحكة وبلبس توب معمول م الضيق‏

وأديني النهاردة بسدد فوايد‏

‫‏على أصل دمعي اللي قاعد معشش‏

‫‏فـَ عايش وبطلب رحيلي إليكي‏

‫‏وأدور في كل السبايل وأفتش‏

‫‏وتفضل أساس المشاكل يا أمي‏

‫‏بأني في عز الوجع من رحيلك، وقفت شديد معيطتش‏

أقولك شيء بيوجعني ‏

‫‏أنا ندمان على الأيام ‏

‫‏قاتلني كلام ‏

‫‏كتير كان نفسي أقولهولك‏

‫‏وبكرهني عشان أجلته لمعاده‏

‫‏وطول يومي ‏

‫‏بدور جوايا ١٠٠ مرة ورا كلمات بيتعادوا‏

‫‏أنا أحبك ‏

‫‏وامتى أكبر؟‏

‫‏وأعوض عمرك الفايت في نُقصانه‏

يتسارع نبض القلب بقوة

‎الجرح الظاهر من بره

‎والرعب الكامن من جوه

‎الموت جراء

‎قطعك أسفل شريان الزند

‎مانزفش بجرح

‎على قد ما إنه بينزف عند

‎والدنيا بتمسك فيك

‎بسنانها وبإيديها

‎والدمع الحاضر في عنيها

‎من غضبه بيلعن في المشهد

‎والدنيا وكل جموع الخلق