اقتباسات مصطفى النحاس

❞ ما تسمحش لصوت الناقد الداخلي اللي جواك يساعد أي حد بيكسّر فيك.. ما توصمش نفسك وتصدّق بس السلبيات. ❝

❞ حديث النفس محتاج يكون متوازن، فيه نوع من الطبطبة، يكون فيه كلمة معلش ❝

المساحات النفسية هي مساحات البراح اللي أنت محتاجها عشان تعيش متوازن، بدون ضغوط حواليك أو من جوَّاك

إن ما حدش فينا بيختار ظروفه بس بنختار نتعامل معاها إزَّاي.

وأول أركان المناعة النفسية هي استبصارك بقدراتك النفسية، يعني ببساطة كل واحد فينا له بصمة في الحياة، له اختلافات وقُدرات تميِّزه، كذلك في قدرتك النفسية مش كل حاجة غيرك بيقدر عليها أنت كمان تقدر عليها

ساعدوا بعض إن الحياة تبقى أسهل وأوضح، بلاش نصعبها على نفسنا ونخلي الغلط هو أسهل وأقرب الحلول.

ما حدش ممكن يركب على ضهرك غير لو انحنيت وسمحت له بده. 👏

مفيش ضحية مُغيَّبة بس فيه ضحية بتختار تغمِّي عينيها وتتغافل عن الأذى، وفيه ضحية بتتعلق بالأذى وبتستعذب دور الضحية وتستمر فيه لسنوات

‫ مشاعر الحقد والغل والحسد هي جزء من مشاعرنا الطبيعية، ومنتهى القوة إنك تعترف لنفسك بيها، إنت مش بتحقد عشان إنت شخص سيء، إنت بتحقد عشان بتقارن، مش عيب إنك تغير، العيب الحقيقي إنك تتحرك ورا المشاعر دي

القلق والتوتر من أكتر المشاعر المستترة اللي بتستمر من غير ما نحس بيها، وبعد فترة بتظهر لما بنحس بآثارها الضارة علينا.

اللحظة الحالية فيها منتهى الأمان، مهما كان فيها من وجع وألم في أسباب تخليك مرتاح وفي أسباب مخلياك مكمل.

‫ خليك دايمًا فاكر إن حياتك سلسلة من الاختيارات، كل اختيار بيسلّمك للي بعده، وكل اختيار خاطئ له تصحيح أو على الأقل مش هو الاختيار الأخير.

‫ أنت القائد والمسؤول الأول عن رسم صورتك واحترامها، اعرف احتياجاتك وعوايزك، واهتم بيهم علشان ميجيش حد من برَّا يحطّ رُتوش مشوهة ويقول لك دا أنت. الآخر بيشوفك بنظارته الخاصة، اللي كوِّنها من خبرته في الحياة،

الاختيار أمر عقلي، لما بيتبني فقط على المشاعر بيكون اختيار مشوش ومبتور، يشوبه الندم مع كل موجة مشاعر جديدة.

مهما كانت أخطائك خليك رحيم بنفسك عشان تقدر تغيرها، وافتكر إن أي خطأ بتبالغ في لوم نفسك عليه بيزيد ويتفاقم، ومش بيقل غير لما تتعلم تقبل وتواجه نفسك برحمة وود.

مفيش ضحية بتعيش سعيدة ومرتاحة،

الناس بتشوف فينا اللي احنا شايفينه في نفسنا، وبتقبلنا على قدر تقبلنا لنفسنا، الناس مش بتحبك عشان إنت الأفضل، الناس بتحبك عشان إنت الأقرب لنفسك وليهم، عشان إنت الأصدق، الدنيا فيها نسخ كتير، بس الأشخاص المتفردة الأصلية قليلة، صحيح

❞ الإنسان كائن تنافسي بطبعه بيحب المقارنة، المشكلة لما التنافس بيتحول لمقارنة مرضية مستمرة، أقارن نفسي بكل الناس حتى اللي مافيش بيني وبينهم أي وجه مقارنة ❝

‏اقرأ الكتاب على @abjjad عبر الرابط:‏****

#أبجد

#خانة_اليك_حكايات_من_العيادة_النفسية

محتاجين نفرَّق بين الحب والاحتياج العاطفي المؤقت، الاحتياج العاطفي أبعد ما يكون عن الحب الحقيقي، هو مجرد إحساس باحتياجات لم تُلبى جوانا.

إبليس أخطأ وآدم كمان أخطأ، بس الفرق إن واحد اعترف بغلطه وقرر يحاول، وواحد اختار يستمر في الغلط بوعي.