اقتباسات ميسرة صلاح الدين

كِبْر ولخبطة

‫ بخلان يسبّق بالعطا

‫ وحياته

‫ شمسية مقلوبه

‫ فى الريح الشديد

‫ كان الشتا شبهي أوي

‫ مين فيكوا لما يموت

‫ هيترحّم عليه…؟؟

(17)‏ ‫كـان الشـتـا ‫ كان الشتا شبهي أوي ‫ وأنا كنت شبهه كمان أوي ‫ كانت عيونه حزينه ‫ وعيوني المطر ‫ والشمس كتّر خيرها ‫ مع أول خطر ‫ لمِّت هدومها وروّحت ‫ من غير ما تشغل بالها ‫

(16)‏

‫هـروب

‫ خد لك نفس

‫ دماغي عليت عن دماغك

‫7 سم ..

‫ أنا والمكان وإنت

‫ على جناح الضباب

‫ والمعجزات البكر

‫ ركعت بين إيديك

‫ ……………

‫ خد لك نفس

هابعت أحاسيس البنفسج

‫ تحضنك

‫ واخفض جناح العشق

‫ لعنيكي الربيع

‫ وأهاديكي بالرطب الجنية كلها

‫ ونهز جذع الفرحة

‫ بخيالنا الوسيع

‫ والشوق سنابل وردي

(15)‏

‫بـرد وسـلام

‫ احتمالات التفرد فى القصيدة

‫ تبتدي

‫ لحظة خروجك وردة

‫ من بين السطور

‫ أنا وإنتِ والحلم الشقي

‫ ومرح الطيور

‫ والشوق ما بيننا

‫ جزيرة خضرة

(14)‏

‫فــاي

‫ من غير مابعت رسايل

‫ قاعد..

‫ مستني…

‫ رد

(13)‏

‫المـعجـزة

‫ ضربتْ البحر بعصايتك

‫ عشان يتشق… ما اتشقش

‫ والمعجزات اتسرسبت

‫ من جيبك المخروم

‫ دلوقتي تقدر

‫ تحلق الدقن اللي خلاص

‫ مابقتش لايقة عليك

(12)‏

‫صـياد فـراش

‫ ماكانتش حاجة تخوّفه

‫ غير بس لما الشمس

‫ تبهت فـ الغروب

‫ كان وشه متعفر …. ذنوب

‫ وجوارحه كانت كلها

‫ متلهفه تشهد عليه

(11)‏

‫تـمثـيـل

‫ بعد ما صرَّخ أوي مـ الخوف

‫ خاف ليكون الناس شايفينه

‫ غمَّى مشاعره

‫ وكرمش عينه

‫ مثِّل إنه ما بيصَّرخش

‫ لكن الدنيا

‫ عشان بتخوِّف

‫ كل الناس ..حبُّوا التمثيل

(10) ‫يوم عـصيـب

‫ كان يوم عصيب

‫ الخلق وقفت صف

‫ و أنا قبل الإمام ‫

وطريق حياتي الجاية

‫ لسه فـ أوله ‫ كان يوم عصيب ‫

كل اللي ماشي ورايا ومكمِّل ‫ مصيره يرجع ‫ والقلوب يتبدِّلوا

(9)‏

‫فـتـوى

‫ لمّا الدنيا بتقسى عليه

‫ كان بيروح

‫ يستفتي شيطانه

‫ كان دايمًا

‫ يلاقي له حلول

‫ وأمّا اتحلت

‫ كل خرايط النور

‫ من إيده

‫ كل خطوط الدفا

‫ من روحه

كل الحاجات حواليَّه

‫ رافضه تضمنّي

‫ وملامحي فرسه بتجري

‫ من غير انتماء

أنا جيّ فوق الشوق

‫ ورايح للعدم

‫ وبالف حوالين نفسي

‫ من برّه السباق

(8)‏

‫انـتمـاء

‫ ادفا المشاعر جوّة قلبي ..اتجمِّدت

‫ مش نافعة صور الشعر

‫ ولا قصص الفراق

‫ بصِّيت برهبه لصورتي لمّا اتبدِّلت

‫ ورميتها وسط التلج

‫ شميت احتراق

(7)‏

‫مشهد قديم

‫ الحلم راح

‫ الحلم جيّ

‫ الحزن..

‫ طلّ برأسه

‫ حسم المسألة

أنا ماعرفوش

‫ فضِّيت جيوب الشفقة

‫ واديتله ابتسامة

‫ رسمت ملامح وشه

‫ إحساس ما انساهوش

‫ تجاعيد بطول العزلة

‫ وبعمق استكانة

‫ ماعرفش ليه لحظتها

حسيت بالخطر

(6)‏ ‫المحفظة ‫ محفظته كانت فاضية ‫ مش شايل صور ‫ ومفيش عـ الأرض ‫ حد يخاف عليه ‫ ولا يجرحه ‫ شَبَك الضباب في ملامحه ‫ نسِّل ضحكته ‫ ومشاعره بالطو قديم ‫ ودايب من زمن ‫

(5)‏

‫الفصل التانى

‫ كان مستحيل فـ السن ده

‫ يلحق طفولته

‫ وهي لسه بتندبح قدام عينيه

‫ طول عمره عايش بس

‫ عـ الخوف والدموع

‫ وفصول حياته كلها

غضب الشتا

راح الشتا

تحن وترتبك

‫ كانت شفايفك نوّه

‫ وأنا صياد وحيد

‫ وجِّهتْ دفة قلبي

‫ للحلم البعيد

‫ جنيّة فاردة شعورها

‫ دوامة اشتياق

‫ وعشان عيونها

‫ البر بالبحر اتشبك

(4)‏

‫نــوَّة

‫ كانت شفايفِك نوّه

‫ وعيونك شَبَك

‫ يعنى الليلادي

‫ البحر هيبات عندنا

‫ يعنى الليلادي

‫ الموج

‫ هيغسل قلبنا