افتكرلي .. مرة غنوة... يوم سمعناها سوا
كتاب دافي... بياخدك جوا العالم بتاعه أوي بس في الوقت نفسه بيكون بيرميك في العالم بتاعك أنت في دوامة ذكرياتك... افتكرت معاه مواقف كتير أوي وناس ومراحل من حياتي كانت مرتبطة بأغنية أو بجملة من أغنية... افتكرت أغاني كانت قادرة تشقلبلي مودي وإحساسي بأغاني معينة الأغنية اللي بتحسسني إني سقعانة والأغنية اللي بتحسسني بيوم مشمس دافي في عز الشتا لدرجة افتكرت اللبس اللي كنت لابساه وقتها :) لما تكون أغنية معينة شغالة جوا عقلي من غير أي سبب وأحيانًا معلقة على جملة واحدة بس وألاقي حد بيغنيها بصوت عالي... حاجات كتير أوي
شكرًا للدودو على الكتاب الحلو اللي كنت بشيله من إيدي بالعافية ده واللي افتقدته بعد ما خلص.
كتاب حياة... شكرًا يا عمر.