أوقات ناس كتير بتخاف من الطلاق، علشان يفضلوا محتفظين على الأقل ببقايا أمان وعطف وشفقة، ببقايا مكان اتولد فيه حب، ببقايا إنسان كان في يوم من الأيام بيحب وبيهتم، الإنسان بطبعه بيحارب مشاعر التخلي عنه، زي الابن اللي بيعرف إن أمه هتسيبه وتمشي ممكن يعمل أي حاجة علشان أمه ترجع في قراراها، حتي بيتخلى عن إنها تفضل تحبه لكن متمشيش، مش كلنا مهيأين إننا نتساب أو حد يتخلى عننا، مش كلنا بنقدر نعيش من غير حب وسند، مش كلنا نقدر نتحمل مشاعر التخلي، والعلاقة اللي بيبنوها المتجوزين بتكون أهمها هو التعهد بعدم التخلي، لأننا أمام التخلي كلنا أطفال